السلام عليكم ..

خلصت اختباراتي من اسبوع ..

اعذروني ما اعرف فيني كسل او مالي خلق لشئ أفتح مدوناتكم كلكم ومالي خلق أعلق ..

يمكن هي فترة وتعدي , لكن كتبت هالتاغ فقط اعتذر لكم جميعاً ممن لم أعلق عليهم وممن لم أحل واجباتهم اعذروني ..

{ .. أفتقد كل شئ لأن كل شئ لم يعد شئ !

السلام عليكم ..

كيفكم,؟ و أخباركم مع الفاينلز ..

أنا عن نفسي أحس مالي خلق أذاكر أبد مع انه المدرسة ماقصرت و  أعطتنا الاسبوع هذا كلة أوف .. {- أبد ماتبي تقهر أحد هع ..

أما جدولي هو ..

السبت : رياضيات ..

الاثنين :  .. E 2

الاربعاء : كيم ..

السبت: إجتماعيات ..

الاثنين : حاسب1 ..

هنا فائدة بسيطة , ولا تنسون ” اللهم لا سهل إلا ماجعلته سهلاً , انت تجعل الحزن إذا شئت سهلاً ..”

“بشكل عام هناك ثلاث طرق متبعة للدراسة ولو أدركها الطالب لتمكن من إيجاد الطريقة المناسبة لها ولموضوعه ومن ثم تحقق لها ما تريد… وهذه الطرق هي:

1-الطريقة الكلية:

وهي أن يقرأ الطالب الموضوع بشكل عام لتتضح لها الفكرة العامة ثم يعيد قراءة الموضوع لاستيعاب بقية الأفكار.. “

2-الطريقة الفقرية:

أي تقسيم الموضوع إلى فقرات حسب ترابط الأفكار وتقبل المتعلم لهذا الترابط 00 فالمتعلم هنا هو الذي يتحكم بطريقة التقسيم حسب ما يوافقه 00 ثم ربط هذه الأفكار جميعاً معاَ00 وهذه الطريقة تفيد في المواضيع الطويلة والتي تتميز بعدم تسلسل الأفكار فيها.

3-الطريقة المختلطة:

وهي الجمع بين الطريقتين السابقتين 00 بحيث تأخذ المتعلمة الفكرة العامة ثم تقسم الموضوع إلى فقرات “. “

يالله السنة ذي مرت بسرررعة ! ماتحسون, الايام بسررعة تمر أتذكر أحداث أول سنة كأنها أمس سارت,, الله يعين ..

الله يوفقكم وييسر لكم كل صعب .. =)

شموخ ..

السلام عليكم ..

كيفكم..؟ وكيفكم مع الاختبارات ..

http://up4.m5zn.com/File/6-2008/uh7vlu9168.jpg

أمس الثلاثاء فاجأوني بنات فصلي بشئ ما توقعته , سووا لي انا وبنتين حفلة وداعية عشان بننقل السنة الجاية ..

مرره استانست وخانني التعبير ..وصورنا طبعاً {- بلابتوب مو جوال هوع ..

بس للإسف أغلب الصور واضحين فيها البنات ومراييلهم و اياديهم إحتراماً لهم مابحط الا صورة وحدة ..

just for you

إلى مكامن الإحساس في تلك الأرواح الطاهرة ..

تحتار حروفي أمامكن و تقف عباراتي استحياءً لعظم قدركن ..

هي الحياة صفحات وتطوى لتبقى ذكرى عالقة في أذهاننا ..

منها ما كان أسود اللون ومنها وما كان ناصع البياض ..

ذكراكم هي ناصعة البياض وقد لطخت بـ الحمار دليل على حب وتألف تلك القلوب , و الصفار دليل على نقاء أرواحكن , و بلون السماء دليل على رُقيكن وسموكن  ..

 “ ح ـبكم مطر تموت الأرض من دونهـ ! “

ANTM AB6L SHE2 W A7SN BNAAT, a7bkm akthr she2

EAST OR WEST fa9lna IS THE BEST !

Your sis , meme

شكراً لكم للمرة العشرين ..فعلاً أسعدتوني ..و أحبكم ..وهـ بس

بالتوفيق لكم جميعاً..شموخ

السلام عليكم ..

واجب ممر من المدونة مضيعة بيتهم .. وزي ماسمته نشر غسيل ..{- أشوفه اسم مناااسب وبقوة يطلع الفشايل ..هع

وهو ان كل مدون يذكر عيوبة {- والله فشلة :سيكو:

1- عصبية أعصب أحياناً ع أي شئ .. واذا كانت النفسية زفت فأسير مبلمة ما أبغى أتكلم واذا تكلمت الله يعين ..{- ترا أحياناً يطق فيني حـُلم مو صاحي أتحمل أتحمل وبالاخير أسوي إعصار أو أكتم بقلبي و أبقى متنكدة ..

2- أتنرفز بسرعة,وإذا تنرفزت ما أبغى أحد يتكلم لين أهدى شوي و أقدر أجمع الكلمات ..

3- عنييييييييييييدهـ !

4- وقت الجد جد .. و إذا كنا في شغل ما أحب أحد يتكلم أتنرفز بشكل موصاحي,يعني مثلاً و إذا فيه شغل وما تصلح ولا ماسار فيه وقت تجيني نرفزة وأعند الا اسويه الحين ..

5- أموون بسرعة , و أحياناً أخذ راحتي بزياادة ..

6- ما أقدر ما أقول الكلام اللي عندي , إلا في حالات خاصة {- حريم وش نسوي ..

7- إذا حطيت ببالي شئ لازم أسوية ..

8- أكررره تفكير بعض بنات ذا الجيل ,أحس تفكيرهم تاافه و أكره سواليفهم تجيب لي الهم والنكد مع إحترامي لهم عشان كذا أستمتع مع البنات اللي أكبر مني بكثيير أكثر .. ! {- معقده !؟

9- أحياناً متهووورة !

بس يكفي والله :سيكو:,مابقيت شئ فشلة :$ ..

أستاذة مضيعة “عشر نجوم لو سمحتي”

بالتوفيق للجميع ..

شموخ ..

السلام عليكم ..

جميعنا يعلم بوفاة هديل الحضيف ..

الخبر كان صدمة بالنسة لي ..

لا نملك سوى دعواتنا لها ..

اللهم ارحمها في من رحمتك وادخلها الجنة ..

مع الذين لا خوف عليهم ولا هم يحزنون ..

اللهم أبدلها داراً خيراً من داره وأهلاً خيراً من أهلها ..

اللهم انا نسالك بإسمك الأعظم ان توسع مدخلها ..

اللهم آنس في القبر وحشتها ..

اللهم اجعل قبرها روضة من رياض الجنة يارب ..

هديل,سيفقدكِ محبيكِ,سيفقدكِ قراءكِ ,سيفقدكِ عالم التدوين بأسرة,الى باب الجنة بإذن الله ..

دعواتكم لها ..وصدقاتكم عنها

شموخ ..

السلام عليكم ..

life with out work like 50 with out zero..

ادري انه الحياة بلا زوجة مو بلا شغل بس كله يجي ..:d

الاسبوعين ذي انا مضغوووطة بشكل مو صاحي ..{- مضغوطه ولا مضبي >>لا تكفين هع

بجد عندنا مشروع بالمدرسة انا وقروبي المتواضع و عندي اختبارات “الله يستر بس” , وكان عندي قراءة نقدية بالاعلامي, خلصت من القراءة النقدية جات الرحلة اللي لـ مقر موقع لها أون لاين .. كان فيه اقتراح جريدة الرياض أو مجلة حياة أو مقر موقع أسيا..مادري كيف طلع لنا لها أون لاين ..:سيكو:

اممم ..القراة النقدية,هي عشان تنمين عندكِ الحس الاعلامي,مثلاً:

تاخذين اي شئ بالاعلام وتعلقين عليه سواء كان سلباً أو إيجابي أو الاثنين انتي براحتكِ ..و ممكن يكون “فيديو كليب,مقال,حلقة من برنامج,برنامج,صورة,كاركتير…الخ” وبالوقت اللي تبغبن ..بس مايزيد الوقت مره أغلبنا من 10 دقايق لثلث ساعة ..

انا سويت حقي الاربعاء اللي هو أمس ماكنت حاطه ببالي كل كلمة وش بقول ماشية على نصيحة بنت عمتو خلود الانسانه هذي ما امشي فحياتي خطوة الا اقول لها ربي يجزاك الجنه ياخوختي ..”تشكرات خوخة من جد انتي انسانه ياليت منكِ اثنين عشان ما أغثكِ لحالك ..هع”ونصيحتها لي كانت انو ما أجهر تجهيز كامل للموضوع يعني ما اقيد نفسي بكلام معين اكون كاتبته حتى ما يتقبلون مني الموضوع وهذي بعض من كلماتها ..

“الموضوع اللي بتتكلمين عنه ومومنة به تماما راح يطلع منك بعفويه ، وتبدأ كل افكارك عنه تنساب إلى لسانك ،
انا ماني ضد التجهيز للموضوع من قبل أو التدريب لكن في نفس الوقت لا تقيدين نفسك تماما باللي كتبتيه” يعني عشان اقرب لك اللي اقصده اذا كنتي تبغين المتلقين يعيشون معك ويستوعبون اللي انتي بتقولينه وفي نفس الوقت يتأثرون ، خاطبيهم ! يعني لا تلقي عليهم الكلام إلقاء
انتي بما انك مجهزه تماما للفكره اللي بتتكلمين عنها وعارفه كل نقطه فيها لا تخافين انك تنسين شي ولاتتوترين
كل اللي عليك رتبي افكارك في نقاط
وكل نقطه حددي ايش بتوصلين للبنات منها وخلاص ابدأي وانطلقي وان شا الله يكون كل شي تمام..”

انا تكلمت عن انه دايم عندنا في برامج أو مقالات أو اي مجال نطرح مشاكل بدون ما نحلها .. وطرحت كذا مثال وعلقت بحماس حتى في كلام كنت حاطته ببالي وماقلته قلت كلام أكثر ..وكنت بغلط غلطة شنيعة من الحماس تخلي التقييم حقي زيرو هع

من الامثلة كان .. مره في إحد البرامج التمثيلية كانوا موضحين انه واحد كان عنده فراغ وسار يسرق سيارات لصاحبة وياخذ فلوس ومادري وشو ماكانوا موضحين انه الشرطة بعدين مسكتة ولا شئ بالعكس هبالة وضحوا انه بس استفاد اخذ فلوس كثيرة بعد وزيادة ع كذا صاحبة كان يمدحه ويقول له يالذيب ومادري وشو اتوقع هذا بيأثر كثير ع الاطفال حتى لو درا انه الشئ اللي تسوى خطأ حتى لو كان الطفل متوقع وعارف انه الشئ هذا خطأ في شئ بداخلة بيحمسه للشئ هذا ..اللي أغضبني وخلاني من جد متحمسة في الكلام انه في قناة اسلاميه ..

يعني, احنا نجيب لأطفالنا قناة اسلاميه عشان مانجلس نوضح لهم كل شوي انه هذا خطأ ووو, تكون القناة الاسلامية كذا ..! يعني غيرها وش بيسير ..!

و اقترحت بما اننا اعلاميات انه نسوي برامج راقية يشرفون عليها ناس تربوية راقيه و مشائخ ..أفضل بكثيير من انه نطلع برامج اي كلام

وتكلمت شوي عن البرمجة السلبية و أثرها وكنت مسوية بريزنتيشن ..

فقط ..!

بقي لي مشروع القروب وبما اني انا الـ ليدر في المشروع ذا شعر راسي بيشيب من كثر التفكير فيه و التنسيق والحوسة من بنت لبنت الله يعين ..

ادعوا لي انه الله يسهل و ييسر يارب ..

شكراً لقراءتكم للخربوطات هذي ..{- لاحد يقول لي من وين جايبة ذا المصطلح الله يخلي بنت خالي خربت المصلطحات عندي >>>هذا وهو عمرها 4 سنوات الله يخلف علي بس ..

شموخ ..

{ أبي ترجع وتملى الدنيا بــ ضــحـكـاتـك .. ! }

your sis ..meme

السلام عليكم..

أولاً..أعتذر للجميع بسبب إنقطاعي,لكن فعلاً أحتاج لـ إدارة لوقتي .. !

إعذروني جميعكم لغيابي المستمر عن مدونتي ومدوناتكم ,حقاً اشتقت لكتاباتكم..؛)

–

كنت أبحث عن أفكار لبرنامج في مصلى مدرستنا, و وسط بحثي مابين الصور والافكار والتصاميم والإشراقات..أخبرتني المدونة آفاق”أسماء” عن هديل الحضيف..

ألمني الخبر بقوة,انصدمت به حقاً .. لا أملك سوى دعواتي الصادقه لها ..

أسأل الله العظيم رب العرش العظيم أن يشفيها ..
اللهم رب الناس أذهب البأس ..اللهم اجعل ما أصابها كفارة يارب ..

اللهم آمين.. , “داووا مرضاكم بالصدقات”..لذا أرجوكم ادعوا لها وتصدقوا عنها ..

 اشف هديل أنت الشافي لا شفاء إلا شفاؤك شفاءً لا يغادر سقما ..

–

شكراً لوجودكم,ولا تحرموا هديل من دعوة صادقة ..

شموخ ..

السلام عليكم..

اممم ادري مقصرة بس بجد مشغوولة والاختبارات جاية..الموهم القروب بتاعي كان عليه درس تجويد,وطبعاً تونا نستوعب وجلسنا نحوس خصوصاً بالشرح لان قلييل منا يعرفون للتجويد.. وأنا اللي كنت مسؤله عنه..

كل خوفي كان ان الوقت مايكفي بس الحمدلله بالتمام..طبعاً سوينا كرت دعوة ,والبريزنتيشن سويته انا ,سوينا ميداليات صغيرة وبعدين طبعناه و غلفنا تغليف حراري وسويناها ميداليات كانت مرره روعه أعجبت الكل..وطبعاً احنا ناس مرره محظوظه لدرجة انه اليوم سار فيه محاظره والحصص حاست والحمدلله قدرنا نضبط الاوضاع من ناحية أمنية{- ماعليكم من ثقالة الدم توني صاحية من النوم

حبيت أبدأه بمقدمة عشان البنات اللي يشرحون مايحوسون وانا اللي سويت المقدمة و ألقيتها..بقولها لكم..

“بسم الله الرحمن الرحيم والصلاة والسلام على أشرف المرسلين سيدنا محمد وعلى أله وصحبة أجمعين,نحن جميعنا نأتي كل صباح لطلب العلم,ولكل منا أهدافها,ولكن قلة منا من تستشعر أنها بكل خطوة تخطوها يسهل الله لها طريقاً للجنهة وذلك لحديث الرسول-صلى الله عليه وسلم-”من سلك طريقاً يلتمس فيه علماً سهل الله له طريقاً للجنة.”وكيف ونحن ندرس أفضل العلوم وأجلها القران وعلومة تذكري قول الرسول-صلى الله عليه وسلم-”خيركم من تعلم القران وعلمه” لذلك أخلصي نيتكِ لله سبحانه وتعالي واقصدي الله في سكونكِ وحركتكِ وقولكِ حتى تنالي سعادة الدارين والتوفيق في الدارين,حتى تصبح كل ساعة وكل دقيقة وكل ثانيه شاهدة لكِ لا عليكِ,فلنكن مع الله وبالله ولله..”

الضيافة كانت..قهوة..نوعين حلا,مارشميلوز وجالكسي (وحدة من صاحباتي بالقروب معي سوت فيها حركة مررره حلوة),ااممم وش بعد ايه السلة الشعبية كان فيها (كليجا+معمول+معمول بالتوفي+تمر+شئ اسمه قرص عمر أتوقع اسمه كذا)

الحمدلله الدرس مرره أعجب الاستاذة..والبريزنتيشن أعجبها مررره,والشرح والضيافه,والميداليات…الحمدلله ماضاع تعبنا..

شكراً لقراءتكم لقرقره اللي فوق:سيكو:

ومع دروس أخرى ومشاريع أخرى( باقي لي مشروعين ربي ييسرها ان شاء الله)

شموخ..

السلام عليكم..

واجب من ابلة مضيعة..الاصوات اللي تزعجك..شكراً أستاذة مضيعة على التمرير,أبلة مضيعة  ابغى درجة كاملة وحطي لي نجمتين هع,

1- صوت أستاذة عندنا يسبب لي أزمات بالاخص اذا سرت مزكومه يوووه صوتها حاد اذني يروح فيها..

2-صوت منبة الجوال الساعه ست الا خمس يؤؤؤ اتنرفز كل صبح مع هالمنبه.. !

3- الصوت الحاد عموماً.. !

4-صوت واحد ياكل متحمس..يؤؤ قرف

5- صوت الملاعق يوم تصك في الصحن,خصوصاَ بالمطاعم انواع الازعاج..

هذا اللي أتذكره حالياً,إذا تذكرت شئ كتبت..

مابمرر الواجب لاحد لاني أتوقع الكل حاله,لكن اللي ماتمرر له وبيحلة يتفضل..

ودمتم بخير,وبدون أصوات تزعجكم

شموخ..