..شــمــوخ..

السلام عليكم ..

واجب ممر من المدونة مضيعة بيتهم .. وزي ماسمته نشر غسيل ..{- أشوفه اسم مناااسب وبقوة يطلع الفشايل ..هع

وهو ان كل مدون يذكر عيوبة {- والله فشلة :سيكو:

1- عصبية أعصب أحياناً ع أي شئ .. واذا كانت النفسية زفت فأسير مبلمة ما أبغى أتكلم واذا تكلمت الله يعين ..{- ترا أحياناً يطق فيني حـُلم مو صاحي أتحمل أتحمل وبالاخير أسوي إعصار أو أكتم بقلبي و أبقى متنكدة ..

2- أتنرفز بسرعة,وإذا تنرفزت ما أبغى أحد يتكلم لين أهدى شوي و أقدر أجمع الكلمات ..

3- عنييييييييييييدهـ !

4- وقت الجد جد .. و إذا كنا في شغل ما أحب أحد يتكلم أتنرفز بشكل موصاحي,يعني مثلاً و إذا فيه شغل وما تصلح ولا ماسار فيه وقت تجيني نرفزة وأعند الا اسويه الحين ..

5- أموون بسرعة , و أحياناً أخذ راحتي بزياادة ..

6- ما أقدر ما أقول الكلام اللي عندي , إلا في حالات خاصة {- حريم وش نسوي ..

7- إذا حطيت ببالي شئ لازم أسوية ..

8- أكررره تفكير بعض بنات ذا الجيل ,أحس تفكيرهم تاافه و أكره سواليفهم تجيب لي الهم والنكد مع إحترامي لهم عشان كذا أستمتع مع البنات اللي أكبر مني بكثيير أكثر .. ! {- معقده !؟

9- أحياناً متهووورة !

بس يكفي والله :سيكو:,مابقيت شئ فشلة :$ ..

أستاذة مضيعة “عشر نجوم لو سمحتي”

بالتوفيق للجميع ..

شموخ ..

السلام عليكم ..

جميعنا يعلم بوفاة هديل الحضيف ..

الخبر كان صدمة بالنسة لي ..

لا نملك سوى دعواتنا لها ..

اللهم ارحمها في من رحمتك وادخلها الجنة ..

مع الذين لا خوف عليهم ولا هم يحزنون ..

اللهم أبدلها داراً خيراً من داره وأهلاً خيراً من أهلها ..

اللهم انا نسالك بإسمك الأعظم ان توسع مدخلها ..

اللهم آنس في القبر وحشتها ..

اللهم اجعل قبرها روضة من رياض الجنة يارب ..

هديل,سيفقدكِ محبيكِ,سيفقدكِ قراءكِ ,سيفقدكِ عالم التدوين بأسرة,الى باب الجنة بإذن الله ..

دعواتكم لها ..وصدقاتكم عنها

شموخ ..

السلام عليكم ..

life with out work like 50 with out zero..

ادري انه الحياة بلا زوجة مو بلا شغل بس كله يجي ..:d

الاسبوعين ذي انا مضغوووطة بشكل مو صاحي ..{- مضغوطه ولا مضبي >>لا تكفين هع

بجد عندنا مشروع بالمدرسة انا وقروبي المتواضع و عندي اختبارات “الله يستر بس” , وكان عندي قراءة نقدية بالاعلامي, خلصت من القراءة النقدية جات الرحلة اللي لـ مقر موقع لها أون لاين .. كان فيه اقتراح جريدة الرياض أو مجلة حياة أو مقر موقع أسيا..مادري كيف طلع لنا لها أون لاين ..:سيكو:

اممم ..القراة النقدية,هي عشان تنمين عندكِ الحس الاعلامي,مثلاً:

تاخذين اي شئ بالاعلام وتعلقين عليه سواء كان سلباً أو إيجابي أو الاثنين انتي براحتكِ ..و ممكن يكون “فيديو كليب,مقال,حلقة من برنامج,برنامج,صورة,كاركتير…الخ” وبالوقت اللي تبغبن ..بس مايزيد الوقت مره أغلبنا من 10 دقايق لثلث ساعة ..

انا سويت حقي الاربعاء اللي هو أمس ماكنت حاطه ببالي كل كلمة وش بقول ماشية على نصيحة بنت عمتو خلود الانسانه هذي ما امشي فحياتي خطوة الا اقول لها ربي يجزاك الجنه ياخوختي ..”تشكرات خوخة من جد انتي انسانه ياليت منكِ اثنين عشان ما أغثكِ لحالك ..هع”ونصيحتها لي كانت انو ما أجهر تجهيز كامل للموضوع يعني ما اقيد نفسي بكلام معين اكون كاتبته حتى ما يتقبلون مني الموضوع وهذي بعض من كلماتها ..

“الموضوع اللي بتتكلمين عنه ومومنة به تماما راح يطلع منك بعفويه ، وتبدأ كل افكارك عنه تنساب إلى لسانك ،
انا ماني ضد التجهيز للموضوع من قبل أو التدريب لكن في نفس الوقت لا تقيدين نفسك تماما باللي كتبتيه” يعني عشان اقرب لك اللي اقصده اذا كنتي تبغين المتلقين يعيشون معك ويستوعبون اللي انتي بتقولينه وفي نفس الوقت يتأثرون ، خاطبيهم ! يعني لا تلقي عليهم الكلام إلقاء
انتي بما انك مجهزه تماما للفكره اللي بتتكلمين عنها وعارفه كل نقطه فيها لا تخافين انك تنسين شي ولاتتوترين
كل اللي عليك رتبي افكارك في نقاط
وكل نقطه حددي ايش بتوصلين للبنات منها وخلاص ابدأي وانطلقي وان شا الله يكون كل شي تمام..”

انا تكلمت عن انه دايم عندنا في برامج أو مقالات أو اي مجال نطرح مشاكل بدون ما نحلها .. وطرحت كذا مثال وعلقت بحماس حتى في كلام كنت حاطته ببالي وماقلته قلت كلام أكثر ..وكنت بغلط غلطة شنيعة من الحماس تخلي التقييم حقي زيرو هع

من الامثلة كان .. مره في إحد البرامج التمثيلية كانوا موضحين انه واحد كان عنده فراغ وسار يسرق سيارات لصاحبة وياخذ فلوس ومادري وشو ماكانوا موضحين انه الشرطة بعدين مسكتة ولا شئ بالعكس هبالة وضحوا انه بس استفاد اخذ فلوس كثيرة بعد وزيادة ع كذا صاحبة كان يمدحه ويقول له يالذيب ومادري وشو اتوقع هذا بيأثر كثير ع الاطفال حتى لو درا انه الشئ اللي تسوى خطأ حتى لو كان الطفل متوقع وعارف انه الشئ هذا خطأ في شئ بداخلة بيحمسه للشئ هذا ..اللي أغضبني وخلاني من جد متحمسة في الكلام انه في قناة اسلاميه ..

يعني, احنا نجيب لأطفالنا قناة اسلاميه عشان مانجلس نوضح لهم كل شوي انه هذا خطأ ووو, تكون القناة الاسلامية كذا ..! يعني غيرها وش بيسير ..!

و اقترحت بما اننا اعلاميات انه نسوي برامج راقية يشرفون عليها ناس تربوية راقيه و مشائخ ..أفضل بكثيير من انه نطلع برامج اي كلام

وتكلمت شوي عن البرمجة السلبية و أثرها وكنت مسوية بريزنتيشن ..

فقط ..!

بقي لي مشروع القروب وبما اني انا الـ ليدر في المشروع ذا شعر راسي بيشيب من كثر التفكير فيه و التنسيق والحوسة من بنت لبنت الله يعين ..

ادعوا لي انه الله يسهل و ييسر يارب ..

شكراً لقراءتكم للخربوطات هذي ..{- لاحد يقول لي من وين جايبة ذا المصطلح الله يخلي بنت خالي خربت المصلطحات عندي >>>هذا وهو عمرها 4 سنوات الله يخلف علي بس ..

شموخ ..

{ أبي ترجع وتملى الدنيا بــ ضــحـكـاتـك .. ! }

your sis ..meme