..شــمــوخ..

السلام عليكمـ..

اليوم استلمت نتائج الترم الاول…الحمدلله عدد ماكان وعدد مايكون وعدد الحركات وعدد السكون, اللهم لك الحمد كما ينبغي لجلال وجهك وعظيم سلطانك..

الحمدلله النتائج كانت زينه الحمدلله صبرنا وتعبنا ونلنا..

من جد كنت في حالهـ مي طبيعيه اليوم.. بس الحمدلله ربي ماخيب أملي..

ان شاء اللي يجي اليوم اللي أكتب فيهـ عن تخرجي يالتخصص اللي أتمناهـ..

استتى هدياكم.. لووول

دمتم كما تحبون..

شموخ..

السلام عليكم..

بسم الله الرحمن الرحيم..

شركة ألوان الطيف بدولة الإمارات بالتعاون مع شبكة بسمله الإنشادية يقدمان..

الألبوم الإنشادي :: ( 1.8 ) One. Eight ::

للمنشد..:عبد العزيز عبد الغني(الحاصل على المركز الأول بسما الإنشاد بدبي)

لدخول صفحة الألبوم :
 
من موقع المنشد..
http://www.abdul3ziz.com
موقع شركة ألون الطيف..

http://www.alwanaltaif.com/1.8

بالتوفيق..

شموخ..=)

السلام عليكمـ..
كيفكم مع الاجازهـ..؟
احم اليوم لاحد يكلمني سويت الغدا هو صح مو أول مره اسويه بس أول مره اسويه بإخلاص وحماس..>>لا ياشيخه الدعوى غدا
ما خليت احد ماقلت له خالتي تقول لي قبل لا تاكلين اكتبي الوصيه و خلي نصيبي اكسسواراتكِ>>من الحين ناويه عليها هع
المهم امس وانا أكلم بنت عمتي جلسنا تذاكر حوستنا ومحاولاتنا بالطبخ واحنا صغار..فطرت على بالي فكرهـ واجب تدويني اللي هو عن محاولاتنا بالطبخ>>حتى المدونين كلنا لنا تجارب..
ابدأ بنفسي..احم احم..
اذكر من كنت صف خامس وانا ما اسوي الا بسبوسهـ(ياقدمي) وكل مره طريقه مو نفس الطريقه وحمدلله كانت ما اقول الا حمدلله والشكر مادري كيف ياكلوها(شكلهم كانوا ياكلونها مجامله هع ولا من باب التشجيع )
أذكره مرهـ حرقتها الصينيه كانت سوداء ترى ما اخذت تهزئ ابد (ايه هين) اخوي كان من كثر ما اسويها كان يقول انتي ملكة البسبوسه>>بدوي مايعرف يدلع هع..تشكرات اخويا على التشجيع والله كنت أستانس عليهـا..
ومره بعد أنا و ولد عمتي  وبنت عمتي كنا ببيت عمتي قلنا بنفاجئ اختي وبنت عمتي اللي اكبر منا>>ياحبي لنا نبي نفاجئهم والله بريئين..
ونسوي أكلهـ..>>تراها من تأليف ولد عمتي مو من تأليفي
والاكله هي..قطعنا خيار وحطينا حواليه حلاوه و مسمينها كيكه..>>>كشخه ترا احنا

وديناها لبنت عمتي واختي سووا لنا تحطيم:(>>بعد ما أكلوا

 مواقفي ومحاولاتي كثيرهـ.. لكن يكفي فضايح هع
أمرر الواجب لــ
مضيعهـ بيتهم..
اسماء(افاق)
هذيان
ملونهـ..
.kawaiigirl

فانكوفر
وكــل من يمر من هنا و ودهـ يحلهـ..
شموخ..
 

السلام عليكم ورحمة الله وبركاتهـ..

صباحكمـ/مـساءكم..فرح وقطعة[ سكر]..

Exams are finaly Overrrrrrrrrrrrrr

كيفكمِ..؟ اخيراً خلصنا اختبارات مو مصدقهـ من الفرح..الف مبروك الاجازهـ لي وللجميع ..

مرت فترة الاختبارات بكل مافيها من تعب وضغط أولها اني تعبت يوم اختبار الاحصاء ويوم اختبار الاحياء من جد تعبت ويوم اختبار الفيزياء تكسرت نظارتي>>منحوسه من جد P:

..الاجازه كلها 3 أسابيع صح بس من جد بنرتاح فيها من تعب ترم كامل..=(

من الحين خططت للقرأهـ بس ماحددت للحين الكتب اللي بقرأها..

لكن الكتب اللي من بدري مخططه لها..كتاب صور وخواطر(الكتاب هذا كان ملازمني فتره الاختبارات عندي على السرير كل ماطفشت من المذاكرهـ قرأت منه شوي.. D: وناويه أقرأ رواية الخيميائي.. والاسلام حضارة الغد للشيخ يوسف القرضاوي..و الغرب يتراجع عن التعليم المختلط..

هنا كم صورة التقطتها وقت المذاكرهـ هو اللي التقطته كثير بس مالي خلق ارفعهم>>عجازهـ

هذي الصورة من باب غرفتي تقدرون تقولون هروب من المذاكرهـD;

I LOVE MATH>>هذي لاختي لانها عندنا ماث ومرره صعب والنفسيه كان زفت فكتبتها رفعاً لمعنوياتها هع..

هنا أرتب صورة التقطتها وقت المذاكرهـ (شنطة سوداء فيها كريم مرطب ومرطب شفايف ومشط وخرابيط كل ماطفشت خربطت فيها, أوراق,قلم>>لابد من المذاكرهـ ,سماعات هيدفون,تلفون>>سرت ما أستغني عنه وقت الاختبارات(هروب من المذاكرهـ) ,دفــاتـر,كتاب صور وخواطر(كل ماطفشت قرأت منه هع)..

هذي صورهـ لنظارتي المكسورهـ :’(

مع تمنياتي لكم جميعاً بـإجازهـ سعيده

شموخ..